Afbeelding
De Vastelaovendj Noetsbreef | 11 jannewari 2019
…………………………………………………………….
Afbeelding
Smakelik

 
’n Paar wildje kannibale, gae kintj ze waal,
di-j vônge ‘ne kieër ‘nen echte generaal.
De vraw, dochter van ’n e kannibale-boor,
zag: “Vae zétte um vör Körsmes in ’t zoor.”
“Niks daovan”, zagte de hoongerige kwaod,
en maakdje de generaal op slaag ‘suldaot’.




| Knipuigske van Frans Adriaens |
 
…………………………………………………………….

Halve Finales LVK

Vanaovendj és de ieërste halve finale van 18.00 oore tot 20.00 oore te zeen en te huuëre op L1 TV,  -radio en via internet. Van 20.00 oore tot 20.30 oore kijje per sms stumme op ein lidje. Zaoterdig 12 jannewari és de herhaling van 13.00 oore tot 15.00 oore, aansloeëtendj kijje stumme tösse 15.00 oore en 15.30 oore. SMS stumme kân doeër e sms te steure nao 4422. Stumdje op lidje 02 van Men in Pek, dan sms-zje LVK spatie 02.

In de ieërste halve finale staon:
Lidje 02 - Men in Pek - Vastelaovendj waat ein hit
( bekiektj heej de clip van Men in Pek )

Lidje 12 - Stefan Wolter - Dit és zoeë schoeën
( bekiektj heej de clip van Stefan Wolter )



Mieër info op www.stichtinglvk.nl
Afbeelding
…………………………………………………………….
Afbeelding
…………………………………………………………….
Afbeelding
Dieës waek stelle vae de pittige vraog aan Rewalt Tobben.
ich dînk det dae vêrder gein introductie noeëdig hieët!


Un pittige vraog es vör mich de vraog of dejje unne soplieepel sambal in eur moel wiltj staeke en pas nao 3 minute moogtj doeerslikke. Heb de vraog gehadj en kin ein advies gaeve: dootj 't neêt. Dan ki-jje nog baeter un lekker frikkedel aete di-j zjuust uut ut vet keumtj. Aszje di-j nameluk nog ff rejaal inne mayonaise soptj dan es de groeetste hitst dr van en völtj ut rejaal mej. En zegk now zelluf dr gieet toch niks boeeve un lekker frikkedelke. Di-j ki-jje eigeluk altieed wul hebbe, weêntjer of zoeêmer, ’s aovus, oeeverdaag of ’s nachs, zon of raengel, vreuger vanne Rut of Dils of now van de Köster of un chinese friettênt zellufs van Jimmie mer dan es ze dek wat minder heit en hejje dr mieestal toch al zat uut. Jao zoee un frikkedelke dao ki-jje mich vör wakker make. Allein doeer d'r aan te dînke luiptj mich ut water al inne moel. Dao zeen zellufs net as oeëver vastenaovundj lidjes oeëver geschrieeve en terecht.

Gae zultj noow wul deênke det hieet toch niks met de vraog te make en det kloptj. Alhoewel ut eigeluk op ut zelfdje nieer keumtj. Eigeluk es vastenaovundj wi-j un frikkedel, mer dan un hieel kleîn bitje ângers. Laote vae zoee zegge ut geveul van (of zin hebbe in) vastenaovundj of un lekker frikkedelke ki-jje ut hieel jaor doeer hebbe allein es ut seizoen det ze good te krieege zeen beej vastenaovundj wat korter. Motj uch trauwes neet vuuerstelle dejje frikkedelle allein mer in ut vastenaovundjsezoen kintj krieege mer det terzijde. De eine utj al frikkedelle vanaaf de 11e vanne 11e d’n ângere vanaaf de vrieedig vuuer vastenaovundj en de volgendje haaltj ze op zaoterdig in Venlo of Remundj en dan soondus in Wieert beej d’n optocht of op maondj-ig beej de wichteroptocht. Dan hejje minse wi-j mich di-j ut hieel jaor doeer met frikkedelle bieezig zeên mer d’r achter kaome det ze eigeluk de mieeste frikkedelle aete tösse de 11e vanne 11e en asgoonsdig umdet ze dan ut beste smake en oeeverâl te krieege zeen. Gae hetj trauwes auch minse di-j hieelemaol niks um frikkedelle gaeve en as det zoee es ki-jje dr auch baeter gein aete. Toch bin ich dr van oeevertuuegdj det d’r altieed wul un frikkedelke op eêmus zieene wieeg keumtj. Aszje ze lösj en de smaak te pakke kriegtj dan wildje mieer en gaoje oeëverâl kieke woee ze te kaup zeên en op welke daag. As dejje 4 of 5 daag unne haup frikkedelle hetj gegaete dan hejje dr misschien ff genog van mer dae hoônger en zin keumtj gegarandieerdj weer trök. Dus eigeluk es ut belangrieëkste det frikkedelle vurkrieegbaar blieëve. Of det ze in un bekske of un zekske zitte en of dejje dr mayonaise, curry of pindasaus op doôtj es pursuuenluk. Ut gieet uuteindeluk um de frikkedel en di-j zal net wi-j vastenaovundj altieed blieeve bestaon.

Vastenaovundj same en uh……… bel us
Afbeelding
…………………………………………………………….

De Wieërter 11 | 2019

Op maondjig 4 fibberwari 2019 trektj ouch dit jaor weer de Wieërter 11 stoet doeër de binnestad van Wieërt. Dit jaor zölle ze zich gaon verplaatse as echte cancan dânseresse, gala men en circusdirecteuren onger 't thema: MOULIN ROUGE!

Notieërtj alvast 2 fibberwari, 11.11 oore in eure agenda, want dan startj de kaartverkoup beej kefee De Stuiterbal.

Haotj 't leste noets vanne Wieërter 11 inne gate op facebook!
www.facebook.com/dewieerter11
Afbeelding
…………………………………………………………….
Afbeelding
Afbeelding
…………………………………………………………….

De Beer mét Balle show !

Op zoondigemiddig 20 jannewarie prisentieërtj Kepèl Gootgemootj in Theatercafé de Huiskamer van 14.00 wis 18.00 oor de Beer mét Balle show.

‘ne Schoeëne, gezellige en ludieke middig met verrasdendje optraejes, theatersketches, kwisse, buutredners, zânk en meziek.
Naeve ’n muzikaal optraeje van Kepèl Gootgemootj zulle d’r ouch nog verschillendje ânger artieste ’t podium betraeje woeé ónger Jos van Dooren, Joss Mennen, Frans Adriaens, De Vette Pluk, Carole Bollen, Leonie Linssen, Irene Kunnen, Nick van Ham, Stefan Wolter, de Bosuulebend en înkelike lede vanne kepèl: Piet és niet Wies, VVGG, WiWi en LuWi.

De prisentasie van dieëze middig is in hang van Henk en Anton Moonen.
’n Beperktj aantal kaarte (OP=OP) is te verkriêge via gootgemootj@gmail.com en ze koste € 10 per stök. Heejvör kriegtje nave ‘ne geweldjige middig, ’n aantal consumpties en neteurlik “balle”.

‘ne Prima basis vör ‘ne geweldjige middig. Dit moogtje neet misse.
Afbeelding
…………………………………………………………….
Afbeelding
…………………………………………………………….
Afbeelding
Vör mer € 15,00 incl. CD
…………………………………………………………….
Afbeelding
11-1-2019
De Vastelaovendj Pubkwis

kefee De Tramhalt

19-1-2019
Apres Ski Party V.V. De Tupkes
20.30 oore tot 03.00 oore
kefee Vreug of Laat


10-2-2019
Faliekant Plezant
vanaaf 10.00 oore
kefee De Tramhalt
…………………………………………………………….
Afbeelding
Hejje iets te koup op vastelaovendjgebied, zeukdje 'n pekske,
of mojje 'ne komplieëte vastelaovendjwage kwiêt.
Gaeftj 't doeër en vae plaatse 't in't prikbord!
Steurtj eur bericht nao
info@dapro.nl
…………………………………………………………….
Hejje iets te mèlde,
hejje ideeë of zeejje kwaod… 
Hejje noets, 'n vastelaovendjfeëst of waat ângers,
gae kintj eur ei kwiêt op info@dapro.nl
…………………………………………………………….