De Vastelaovendj Noetsbreef

De Vastelaovendj Noetsbreef | 4 jannewari 2019

…………………………………………………………….

‘t Kwezelke

’n Kwezelke waat eure beecht haaj gedaon,
ging daonao vlaak vör ’t pestuuërke staon.
En zag hieël zalig kiekendj nao zien schoôn:
“Ich zooj wat groeëts en zuûvers wille doon!”
Dae pestoeër, ‘ne schoeëne, zag toen kwânt:
“Och, ich weîtj….was dich ‘nen oeëlifânt!”

| Knipuigske van Frans Adriaens |

…………………………………………………………….

Halve Finales LVK

Op 15 fibberwari 2019 zal in't MECC in Mestreecht 't jaorlikse LVK plaats gaon vînge. Veer lidjes uut de regio zeen doeërgedronge tot de halve finale, en gae kintj ze nao de finale stumme!

De 1e halve finale és op vriêdig 11 jannewari en 's van 18.00 oore tot 20.00 oore te zeen en te huuëre op L1 TV, -radio en via internet. Van 20.00 oore tot 20.30 oore kijje per sms stumme op ein lidje. Zaoterdig 12 jannewari és de herhaling van 13.00 oore tot 15.00 oore, aansloeëtendj kijje stumme tösse 15.00 oore en 15.30 oore. SMS stumme kân doeër e sms te steure nao 4422. Stumdje op lidje 02 van Men in Pek, dan sms-zje LVK spatie 02.

In de ieërste halve finale staon:
Lidje 02 - Men in Pek - Vastelaovendj waat ein hit
( bekiektj heej de clip van Men in Pek )

Lidje 12 - Stefan Wolter - Dit és zoeë schoeën
( bekiektj heej de clip van Stefan Wolter )

De 2e halve finale és op vriêdig 18 jannewari en 's van 18.00 oore tot 20.00 oore te zeen en te huuëre op L1 TV, -radio en via internet. Van 20.00 oore tot 20.30 oore kijje per sms stumme op ein lidje. Zaoterdig 19 jannewari és de herhaling van 13.00 oore tot 15.00 oore, aansloeëtendj kijje stumme tösse 15.00 oore en 15.30 oore.

In de twieëdje halve finale stieët:
Lidje 39
Ronald en Carien - De schoeënste reunie van 't jaor
( bekiektj heej de clip van Ronald en Carien )

De 3e halve finale és op vriêdig 25 jannewari en 's van 18.00 oore tot 20.00 oore te zeen en te huuëre op L1 TV, -radio en via internet. Van 20.00 oore tot 20.30 oore kijje per sms stumme op ein lidje. Zaoterdig 26 jannewari és de herhaling van 13.00 oore tot 15.00 oore, aansloeëtendj kijje stumme tösse 15.00 oore en 15.30 oore.

In de dêrdje halve finale stieët:
Lidje 49
Mark en Wilhelmien - Vae zeen VastelaovundjGek
( Bekiektj heej de clip van Mark en Wilhelmien )

Mieër info op www.stichtinglvk.nl

…………………………………………………………….

De Beer mét Balle show !

Op zoondigemiddig 20 jannewarie prisentieërtj Kepèl Gootgemootj in Theatercafé de Huiskamer van 14.00 wis 18.00 oor de Beer mét Balle show.

‘ne Schoeëne, gezellige en ludieke middig met verrasdendje optraejes, theatersketches, kwisse, buutredners, zânk en meziek.
Naeve ’n muzikaal optraeje van Kepèl Gootgemootj zulle d’r ouch nog verschillendje ânger artieste ’t podium betraeje woeé ónger Jos van Dooren, Joss Mennen, Frans Adriaens, De Vette Pluk, Carole Bollen, Leonie Linssen, Irene Kunnen, Nick van Ham, Stefan Wolter, de Bosuulebend en înkelike lede vanne kepèl: Piet és niet Wies, VVGG, WiWi en LuWi.

De prisentasie van dieëze middig is in hang van Henk en Anton Moonen.
’n Beperktj aantal kaarte (OP=OP) is te verkriêge via gootgemootj@gmail.com en ze koste € 10 per stök. Heejvör kriegtje nave ‘ne geweldjige middig, ’n aantal consumpties en neteurlik “balle”.

‘ne Prima basis vör ‘ne geweldjige middig. Dit moogtje neet misse.

…………………………………………………………….

7e sezoên vör Dao Gaon Vae Weer!

Vlak vuuër de körsmes hebbe vae inne wândelgange gehuuërtj det vastelaovundj programma Dao Gaon Vae Weer trök kûmtj oppe tillevies.
Tiêd um prizzentator Rob Princen us te vraoge wi-j ‘t noow zitj.

D’r gaon al ‘n aantal waeke signalen roond dejje weer ‘n now sezoên van Dao Gaon Vae Weer gaotj make. Kloptj det?
Aller ieërst de beste wînse vör uch allemaol! Maaktj d’r ‘n prachtig jaor van met völ lol en plezeer!
Jao, ich kan definitief melden det kaomendj sezoên vör de zieëvend-je kieër vastelaovundj programma Dao Gaon Vae Weer gemaaktj zal waere.

Wi-j völ shows gaojje komendj sezoên make?
In totaal zulle d’r viêf uutzendinge gemaaktj gaon waere vanaaf zoondig 27 jannewari vanaaf 12.00 oore op ‘t tilleviziekanaal van WieërtFM.

Kujje wat vertelle weem d’r dit jaor allemaol in ‘t programma kûmtj?
Det zooj ich kinne doon,...mer ouch vör uch haoj ich det nog efkes geheim. Ich zooj zegge lekker kieke vanaaf 27 jannewari.

Kujje echt neet eîn tipje van de sluier gaeve?
Alleh dan, .eîne dae vae jaorliks wieëte te strikke….de Rogstaekers preens

Vae wînse uch alvast hieël völ suukses met de uutzendinge

…………………………………………………………….

Koppe Bawwe

Jao joonges en maegtjes,

Gae kintj waer mejdoon mét 't Koppe Bawwe en daomej prebieëre de Kleine Gouwe Rog te winne in de groeëte Wichteroptocht, dae op maondjig 4 mieërt 2019 doeër de binnestad van Wieërt trektj. Kotj met eur pap of mam gezellig bawwe in oeës hal aane Stekshofwieëg.

Vanaaf dit jaor doon vae det oppe zaoterdigge 12, 19 en 26 jannewarie en 2 fibberwarie van 9 wis 12 oor. As dejje op sporte zitj, ésj dan toch wîntjerstop, dus waat letj uch um neet mej te doon.Laotj eur pap of eur mam dan waal effe zoeë snel muuëgelik 't formeleer invölle op de speciaal pagina oeëver 't Koppe Bawwe, want 't aantal wichter, waat mej kân doon, és bepêrktj en vôl és vôl!

Mieër info op:
https://www.vvderogstaekers.nl/2018/12/koppe-bawwe-2-0/

…………………………………………………………….

Vör mer € 15,00 incl. CD

…………………………………………………………….

11-1-2019
De Vastelaovendj Pubkwis
kefee De Tramhalt

19-1-2019
Apres Ski Party V.V. De Tupkes
20.30 oore tot 03.00 oore
kefee Vreug of Laat

10-2-2019
Faliekant Plezant
vanaaf 10.00 oore
kefee De Tramhalt

…………………………………………………………….

Hejje iets te koup op vastelaovendjgebied, zeukdje 'n pekske,
of mojje 'ne komplieëte vastelaovendjwage kwiêt.
Gaeftj 't doeër en vae plaatse 't in't prikbord!
Steurtj eur bericht nao info@dapro.nl

…………………………………………………………….

Hejje iets te mèlde,
hejje ideeë of zeejje kwaod…
Hejje noets, 'n vastelaovendjfeëst of waat ângers,
gae kintj eur ei kwiêt op info@dapro.nl

…………………………………………………………….

Kliktj heej um aaf te mèlde!