Dieës waek stelle vae de pittige vraog aan Eric van den Boogaert. Lid van de Lambieck, Moosknienke, lid vanne BBC en echte vastelaovendjveerder.
De Vastelaovundj es neet op zieën retour. Ut aantal minse waat op 'n bepaaldje activiteit aaf keumtj waal. De tieed waerdj verdaeldj oeever n aantal activiteite. Heej keumtj nog beej det ut aantal activiteite beej de diverse vereiniginge in 't sezoen völ groeëter es dan zégk mer 'n 25 jaor gelieeje. Messchien hebbe vae vanaaf begin jannewaari wis asgoondig un "overkill" aan activiteite. Zelf heb ich waal us 't geveul, det op vastelaovundjzaoterdig, ich al vastelaovundj"meug" bin, en dan motte de vastelaovundjdaag nog beginne. Um dit geveul drastisch te beperke es ut verstendig ' n aantal gooj activiteite verdaele oeëver de diverse stads- en wieekvereiniginge, en de ' aantal activiteite per weekend te vermindere. Daenaeve 'n aantal activiteite verschuuve qua daag( bevuuerbieeldj Boorebal op Vastelaovundj-zaoterdig en neet mieer op 'ne maondig) en of in 'n anger jéske staeke. Angere daag en in ' anger jéske staeke hebbe vae dit jaor vör ut ieerst uutgeprebieerdj met de Lambieckaovundj. De ieerste ervaringe, op n paar aanpassinge nao zee good en gaeve vertrawwe in de toekomst. Ouch oppe Vastelaovundjdieensdig zeen vae aan ut prebieere met Slaag Um De Knauwel, vör de koldergezelschappen , dit fieestje opnôw laeve in te blaoze. Dit jaor editie drej en ouch heej woor ut tiedus groeetste gedaeldje vanne middig inkefee de Hermeni j volle bak. Vör koeëmendj jaor ouch alweer extra vereiniginge di j mej wille doon. Dus det zuut d'r good uut. Vastelaovundj saame.......