Dieës waek stelle vae de pittige vraog aan Geert Gabriëls, wethaojer van cultuur, vastelaovendjveerder en Wuilus.

Ich ving det un meulike vraog. Meulik umdet de vraog beej mich auch drèk emotie opreuptj. Metejn mot ich trökdînke aan wi-j ich opgegrujd bin met de vastelaovendj, met de Wuilusse. Aan alle kieere det ich gruuëts naeve de kânt stong as ze de zoevulste kieër (7) de Knauwelprieës wonne. Vör mich hingtj ‘t fieëst same met nostalgie, traditie, geveul, plat kalle as dejje det kintj, saamhorigheid, gruuëts zeen op Wieërt en Limburg, flauwekûl, meziek, theater, kolder, femilie, vrîndje en 't liere kinne van now mînse! Vasteloavendj zitj, net as oos Wieërter taal, deep in mich en daorum raaktj ut mich auch persuuënlik as mînse d'r iets lieëliks oeëver zegge. Ich waer dan altiêd fel en biêt dan met argumente flînk van mich aaf. ‘t (messchien) Tröklaupendj aantal vastelaovendjsveerders hingtj waat mich betreftj same met de trögloup in ‘t aantal spraekers van oeës dialect. D'r weurtj minder plat gekaldj en waal 's wat denigrerendj gedaon oeëver ut plat. Álle ongerzeuke wieze uut det ‘t aanlieëre van plat ‘n positieve beejdrage hieët op taalgeveul en taalontwikkeling beej wichter mer toch liêke d'r mier mînse te zeen di-j d'r ‘t belâng neet van inzeen en ‘t neet wille kalle of doeërgaeve. Messchien schame ze zich, of zeen ze t nut d'r neet van in of vînge ze ‘t lieëlik. Jaomer want zoeë gieët n stuk emotie, cultuur, geveul en laevesriekdom verloeëre. Mînse keeze d'r soms bewusj vör um ‘t néét doeër te gaeve en det mot wat mich betreftj umgedrejd waere! D'r mot mieer positieve aandacht zeen vör os plat en vör ut veere van vastelaovendj. Ongerbawdj oeëvertuûge det ut gejn kwaod kan en towgevoegdje waarde hieët um miertalig te zeen (det és namelik wieteschappelik bewieëze). Wichter oppe wichteropvang motte neet gecorrigieerdj waere as ze plat kalle. Neteurlik es Hollands de voertaal mer ze motte zeker neet gecorrigeerdj waere as ze plat kalle want dan assosiere ze ‘t met "fout". Laot ze mier in aanraking kaome met verschillendje taale woeë ónger neteurlik auch ut Wieërts. Via lidjes en vastelaovendj kan det mekkelik! Klanklieër zoeas auch t gooj veurbieldj www.piepekoek.nl ! Ich bin vör modules in t ongerwiês die ‘t belang van taalgeveul, riêkdom (al oos geweldjige Wieërter klînkers en klânke) en lokale culturele tradities nao vuuër brînge. Det zelfdje geldj dus auch vör de vastelaovendj. Schoeële, docente, óngerwiezers kinne gehôlpe waere um gooj uutlegk te gaeve oeëver oeës plat en oeëver de (geschiedenis van de) vastelaovendj. Lespakkette aanbeeje vör binne en/of boete schooltiêd es meuglik (daobeej waal de docente ontlaste want di-j hebbe un druk schoeëlprogramma). Boeteschoeëlse of binneschoeëlse arrangementen met as thema vastelaovendj, herkomst en basis van oeës plat. Ongerwiezers, docente, aojers: ‘t és echt nuttig en belangriêk en ‘t kân gein kwaod! Neteurlik blieftj ‘t ‘n eige keuze mer stimulatie en uutleg deut oeëvertuuëge en lutj mînse d'r bewusj oeëver naodînke! Woeërum neet?

Ich mêrk det ich weer fel aan 't waere bin dus tiêd um te stoppe. Kortum: ut hingtj beej mich same met gooj ongerbawdje uutlegk aan mînse over de towgevoegdje waarde van ‘t plat en vastelaovendj. Zoëwiezoë mot ‘t via de wichter loupe. Lespakkette! Ederein mot in aanraking gekaome zeen met de geschiedenis en tradities van Wieërt en dus auch met de vastelaovendj. 'T virus kan dan aanslaon en dan kojje d'r dek neet mier vanaaf. Jong gelieerdj es aod gedaon! As det d'r ideeën of acties zeen: ich staon d'r altiêd vör oeëpe um te helpe en wil d'r alles aan doon!

Op 10 november oeëpene V.V. De Beesterbolle 't now vastelaovendjsezoen met 'ne Duîtse aovendj. Ouch waere op dieëze aovendj de nowwe vorst en kanslieër geinstallieërdj. Same met V.V. De Beesterbolle, Ed & Frans, Dennis Hendrikx en Pim Donkers make vae d'r 'n fieëst van.
Vanaaf 20.11 oore bî-j kefee/zaal De Hook.

Op zoondig 11 november a.s weurtj de vastelaovendj vanaaf 11.11 oore geoeëpendj. De zaal és vanaaf 10.00 oore geoeëpendj en Marcel en Peter zölle uch met oeëpe êrm ontvânge. Neteurlik és d`r `ne bêrg laajf meziek en ouch Nick van Ham keumtj langs um `t now vastelaovendjlidje vör uch te zînge. Dus hejje zoondig gein böl te doon en ésj slecht waer, kotj dan `ne pot beer drînke.

Vastelaovundjvereiniging de Pinmaekers opentj ut sezoen op zondig 11 november 2018Um 13.33 uur waere de lede met partner, juniore, de dansmarietjes en alle belangstellendje verwachtj bi-j Residentie De Kleine Winst.
Installasie Vorst RolandUm 14.00 oor zal de installasie van Vorst Roland plaatsvinge.
Kieektj vör ut complieëte programma bi-j Installasie Vorst Roland

Opening seizoen
Um 14.50 oor gaon vae veurop gegange  door hofkapel “Klein mer Neugter” in optocht nao Lambertushof. Hoeëgtepuntj van de sirremonie is neteurlik ut plaatse van ut sezoens kunstwerk door aod prins Peet en prinses Birte en aod Jeugdprins Raf en Jeugdprinses Anouk. Ut kunstwerk de törf met zeve pin zal de hieële vastelaovundj symbool staon vör alle Pinmaekers.

Boorebroedspaar 2019
Ouch dit jaor is de bekindjmaking van ut Boorebroeedspaar 2019 tiedes de opening van ut sezoen.Eder jaor wurtj ein waek veur de Vastelaovundj in Ni-jwieërt de Boorebroeluft  gehojje en komendj jaor vör de 41e kieër ! Ut boorebroedspaar zal bekintj gemaaktj waere op Lambertushof door de ambtenaar van de borgerlikke standj Giel Bruijnaers. Weem dit jaor ut Boorebroedspaar zal levere is ein groete verrassing.
Nao de bekindjmaking zal ut boorepaar en femilie mei-j gaon nao de residentie.

Residentie
VV de Pinmaekers hebbe vör ut komendje vastelaovundj seizoen keffee De Kleine Winst as residentie. Zoe wi-j gebroekelik wurtj dees op de 11e van de 11e geopendj.

Installatie now lede
Nao de opening van de residentie zulle de now leden en jeugdlede waere geinstalleerdj.

Vorstebal
Um 16.33 oor startj ut Vorstebal met völ meziek en ederein wurtj in de gelegenheid gesteldj um Vorst Roland en zieën vrouw Ellen  op informele wieëze te felicitere.

www.pinmaekers.nl 

Op zondag 11 november 2018 openen de Rogstaekers in het Munttheater in Weert het nieuwe carnavalsseizoen. Tijdens de zitting ‘Vorst oppe Troeën’ zullen de aanwezigen met een steek dit hoofddeksel op aangeven van Vorst Stan opzetten ten teken dat het nieuwe seizoen weer is begonnen. In zijn troonrede zal de Vorst terugblikken op het afgelopen carnavalsjaar en uitweiden over hetgeen carnavalsvierend Weert in de komende periode kan verwachten. Een drietal aspirant-leden zal met de hand op de Rog de eed afleggen en vanaf dat moment volledig worden opgenomen in de Rogstaekersvereniging.

Extra aandacht gaat op deze avond uit naar de installatie van de nieuwe Kanselier. Deze functionaris binnen de vereniging is herkenbaar aan een bijzondere draagmedaille en een steek met een bontje. Hij is plaatsvervangend Vorst en vicevoorzitter van de vereniging.

Beoogd Kanselier is Jasper Heesakkers, die sinds enkele jaren lid is van de Rogstaekers en die door de bijzondere werkgroep als kandidaat is voorgedragen. Heesakkers over zijn aanstaande benoeming: “Ik vind het een grote eer om op deze manier een bijdrage te leveren aan het levend houden van de Weerter Rogstaekers ‘vastelaovendj’. Dit feest vol prachtige tradities hebben wij gekregen van onze voorgangers en het is een taak van ons allemaal om dat op een eigentijdse manier door te geven.”

Na het officiële gedeelte wordt de avond voortgezet met een gezellig samenzijn in de foyer van het theater, waarbij de muziek verzorgd wordt door The Deejays. De entree (inclusief consumptie) bedraagt € 2,50 en kaartjes kunnen worden besteld bij het Munttheater.

Op 12, 13 en 14 november vînge de vuuërselectie wédstriêde vör de Limburgse Buuttekampioenschappen plaats. Beej de LVKA hebbe 25 deîlneemers zich aangemeldj di-j met mekaar gaon stri-jje um ‘n plek in de finale te bemachtige. Det zeen d’r 7 mieër as aafgeloupe jaor.
Wieërt és dit jaor good vertieëgewoeërdigdj in di-j vuuërselectie. Mer leefst drej van de acht deîlneemers zeen aafkomstig uut Wieërt, di-j same op 14 november in Ni-jwieërt indj hun best gaon doon um in de finale te kaome.

Eîn van de buuttereedners és Rob Princen. En det és geîne ónbekindje naam in de Wieërter vastelaovundj. Meschien kijje Rob waal van WieërtFM of van zien tillevisieprogramma Dao Gaon Vae Weer. Of meschien hejje ‘m waal gezeen as artiest oppe boonte aovundj. Mer sinds vuuërig jaor és hae ouch buutreedner en gieët dit jaor vör de twieëdje kieër met doon aan de vuuërrondes van de Limburgse Buuttekampioenschappen.

Wi-j zejjae d’r op gekaome um buutreedner te waere?
Hieël wat jaore trök zag Ton Donders tieëge mich, det és ouch wat vör uch um te gaon buutte. Gae hetj de lach aan eur boks en staotj ouch al jaore op tenieël met de boonte aovundje en vuuërhaer de wichter boonte middig. In ‘t begin dacht ich, ich weitj neet. Mer wi-j vaker ich buutreedners in di-j ton zoog staon en det zoeë sjiek vong, toen waas ich verkochtj en wist ich det ich det ouch wooj gaon doon.
Toen heb ich mich de noeëdige info beej mekaar gevraogdj aan minse di-j det al di-jje en heb ich mich beej de LVKA aangemeldj um met te doon aan de buuttecursus.
Op zoeë ‘ne cursus legge ze uch uut wi-j dejje zoeë ‘n buut motj make en wi-j de opbouw in mekaar zitj. In diverse sessies mojje dan zelluf eure buut gaon make en kriêg-je van medecursisten feedback. Op basis dao van kujje dan ouch weer dingskes aanpasse um zoeë ‘ne schoeëne buut nieër te gaon zette.

Kujje uch ‘t ieërste optrejje nog herinnere?
As de daag van géster! Um precies te zeen, 26 oktoeëber 2017 beej De Pinmaekers in Ni-jwieërt. Ich waas echt kepot ónröstig dae aovendj net vör det ich op mos. En det waas best bi-jzöndjer, want ich heb neet snel zieënewe.

Wi-j ging ‘t dae ieërste kieër?
Det ging aardig. Ich gaef ieërlik tow det ich best waal zieënewe haaj. En zoeë as ich zag, det heb ich neet snel want ich staon al mieër as 25 jaor oppe plênk. Mer dit waas gewoeën hieël êrg spannendj. Beej ‘n sketch van de boonte aovundj staojje met mieër man dek in ‘n sketch en kujje mekaar hellupe, mer in de buutteton staojje alleîn en kujje op neemes trök valle.
Mer good, gezonde spanning és neet verkieërdj. Noow mot ich ouch zegge wi-j dekker dejje in di-j ton staotj met eure buut, wi-j baeter det ‘t gieët. Doeër völ op te traeje, kriêg-je ouch weer mieër ervaring.

Gae gaotj vör de twieëdje kieër met doon met de kampioenschappen, és det met de zelluf-je buut as vlieëjaor?
Nein, ich heb in mien ieërste jaor met name gepreufdj wi-j ‘t és um te buutte. En dao heb ich schoeën ervaringen met opgedaon.Mer ich haaj ‘n leuk idee vör ‘ne nowwe buut, dus ich heb dit jaor ‘ne nowwe buut geschriêve: De Sjachelaar.
En waat ich waal schoeën vîng um efkes te melde és det ich van aod buutkampioenen en völ minse echt super kómplemênte kriêg det ich mich zoeë ontwikkeltj heb op ‘n jaor tiêd. Det mêrk ich zelluf ouch en det zeen ich ouch trök in de aanvraoge di-j men deut of ich dao wil kaome buutte. Dus det smaaktj ouch nao mieër!

Waat verwacht-jae van de vuuërrondes?
‘T kleenktj meschien gek, mer ich bin dao neet zoeë hieël êrg met bieëzig. Gae kintj uch dao waal op focussen, mer gae hetj ‘t neet in de hand. Gae hetj met ‘n jury te make di-j 25 buuttereedners motte gaon bekieke. Edereîn gieët zien best doon um ‘n plek in di-j finale te bemachtige. En ouch ich zal d’r alles aan gaon doon um nao di-j finale in Remundj te mooge. Mer ich gaef tow, ‘t gieët waal êrg lastig waere. Op de 14e november in Ni-jwieërt-indj staon völ gooje buuttereedners di-j allemaol nao di-j finale wille.
Ich kan in eder geval zegge det vae met alle collega buutreedners d’r ‘n fieëst van gaon make! En de minse fleenk zulle laote lache!

Zeen d’r nog kaertjes vör de vuuërrondes?
De verkoup waas op 3 november en ich weît det det altiêd ontzettendj haard gieët. Dus het kan zeen dejje pech hetj, mer gae kintj altiêd informieëre of d’r nog kaertjes zeen. In ‘t geval van oeëze Wieërter deîlneemers mojje dao efkes vör kontakt opneeme met K.V. De Piepkukes.

Gae zagtj zjuust dejje aanvraoge hetj um de buut te kaome doon, hejje nog plek in de agenda of zitj dae inmiddels hieëlemaol vol?
Ich heb ‘n aantal schoeën optraeje’s op de planning staon. Mer d’r és zeker nog ruumdje in de agenda um de buut te kaome doon op ‘ne boonte aovundj, ‘n uutrooping van de preens of ânger festiviteit. Dus neemtj gerösj kontakt met mich op.

Bedânkt-j Rob dejje tiêd hetj wille make vör dit gesprek. Vae wînse uch en de ânger buuttereedners völ succes met vuuërrondes vör de Limburgse Buuttekampioenschappen!